Desperate Housewives نساء حائرات
صحبة جميله من نساء حائرات كل واحده ليها حكايه واراء
انضمي معانا وعرفينا بنفسك..

Desperate Housewives نساء حائرات

صحبه بنات نتشارك في الحياه ازياء وطبخ واولاد وحضانات وتربيه
 
الرئيسيةالرئيسية  البوابةالبوابة  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  
Like/Tweet/+1
المواضيع الأخيرة
» رمضان كريم
السبت يوليو 21, 2012 4:27 pm من طرف sossa

» احساس غريب
الثلاثاء يوليو 17, 2012 9:56 pm من طرف sossa

» معلومات هامه عن تساقط الشعر
الثلاثاء يوليو 17, 2012 9:44 pm من طرف sossa

» يوميأت" عايزه اخس"
الأحد يوليو 01, 2012 10:38 am من طرف نوشا زين

» ايه رأيكم
الإثنين يونيو 18, 2012 8:26 pm من طرف maleeka

» ( الذاتوية) معايير تقييم الحاله العقلية لابني
الإثنين يونيو 18, 2012 8:17 pm من طرف maleeka

» افكار مهمه لست البيت
الإثنين يونيو 18, 2012 8:08 pm من طرف maleeka

» شيخوخه قبل الاوان
الأحد يونيو 17, 2012 7:11 pm من طرف maleeka

» الخرس الزوجي
الجمعة يونيو 15, 2012 7:41 pm من طرف سوزي

Like/Tweet/+1
Comments
find us
Comments

شاطر | 
 

 خطوات التخلص من السمنه بدون مشاكل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نوشا زين

avatar

عدد المساهمات : 30
مسات : 42
تاريخ التسجيل : 29/05/2012

مُساهمةموضوع: خطوات التخلص من السمنه بدون مشاكل   الجمعة يونيو 01, 2012 3:38 pm

مســــــــــــــــــــــــــــاء الفـــــــــــــــــــــــــــل يا شباب ............كيف الحال؟

حبيبتي ماليكا والله انا مش نسياكي خالص بس انا قلت اخلي الرد علي موضوعك في رواقه كد عشان احاول اني افيدك لان الانترنت مليان وصفات لكن انا لا اثق غير في الي اعرفه او مجرباه انا او حد قريب مني عشان كده لما اجي انصح حد مبحبش افتي
وبما اني اصلا دلوقتي بعمل دايت فأنا حسيت ان احنا ممكن نشجع بعض والعامل المعنوي ده مهم جدا لنجاح اي دايت بصي يا سكر

اولا : الدايت بيختلف من شخص لشخص اوبمعني اوضح من جسم لجسم يعني مثلا الطويله تحرق اسرع شويه من القصيره والنشيطه تحرق اكثر من الكسوله والي فوق ال 40 تحرق اسرع من الي تحت ال40 سنه والي بتشتغل تحرق اكتر من ربه المنزل .........الخ
وده حتي لو اسلوب الاكل متقارب عشان كده قبل بدايه اي دايت لازم نحدد طولنا ووزننا وبناء عليه نعرف احنا محتاجين نخس قد ايه
طبعا كلنا عارفين الايض او الحرق وهو الي بيخرج الاكل الي بناكلوا في صوره طاقه وعشان كده اذا زاد الاكل الداخل للجسم عن الطاقه المستهلكه يبدأ الجسم يخزن الفائض في صوره دهون داخل الجسم وده الي بيسبب السمنه طيب خلاصه الرغي ده كلوا ايه يا ستي .......

يا نقفل الحنفيه يا نفتح البلاعه
يعني يا نقلل الاكل يا نزود الحرق


نبأ بالاولي (نقلل الاكل) في موضوع الاكل او الحميه الغذائيه المناسبه للدايت مدارس كتير جدا ومسميات اكتر هلخصهالك في نقتتين

1_ ياتعملي دايت قاسي وتفقدي وزنك بسرعه بس في نفس الوقت تفقدي صحه وفيتامينات ونضاره والاسؤ انك هترجعي تزيدي بسرعه او

2_تعملي دايت صحي تخسي ببطء وتزودي نضارتك وحيويتك وفي نفس الوقت صعب جدا انك تزيدي

الخيار ليكي طبعا بس صاحب العقل يميز اكيد هنختار الطريقه التانيه...................صح
طب ياعني ايه دايت صحي يعني جسمي يدخلوا كل انواع الاكل الي محتاجها بدون حرمان ولكن بنسب محدده
الفطار

1/4 رغيف عيش بلدي او1/2 لو الرغيف صغير اوي ولو مفيش عيش بلدي متاح يبقي عيش اسمر ريتش بيك 1/2 رغيف
1 بيضه مسلوقه او 2 شريحه جبنه شيدر او رومي او 2 مثلث نستو او 3 معالق فول بزيت وكمون وملح (حاجه واحده)
اي ثمره فاكهه ماعدا (البلح والمانجو والتين والعنب ) او خيار وطماطم

الغداء

اي نوع خضار موجود في البيت (عودي نفسك تطبخي بزيت نباتي وكميه بسيطه)مش لازم يبق ي سوتيه
1/2 رغيف عيش او 4 ملا عق ارز او 8 ملاعق مكرونه (بصلصه متسبكه عادي بس مش بشاميل )
طب لو في محشي يبقي 11 صباع (كرنب او ورق عنب) ا و 6 اصابع متوسطه ( لو بازنجان او كوسه او فلفل)
لو لسان عصفور يبقي 2 بوله متوسطه الحجم (2 كبشه)
اي نوع لحوم بدون دهون يعني 1/4 فرخه مشويه او مسلوقه ومحمره في الفرن بدون زيت(اوعي تكلي الجلد)
او 2 قطعه لحم حمراء مسلوقه او مشويه
او 2 سمكه مشويه او مطهوه علي البخار (يفضل انواع السمك المبططه في الشكل لأنها اقل في الدهون)
او 4 صباع كفته مشويه
او علبه تونا كبيره مصفاه من الزيت
او 3 شريحه كبده جريل
او 1قطعه جبن قريش كبيره
او 2بييضه كبيره

العشاء

2كوب زبادي لايت وسمرتين فاكهه
او 1/4 رغيف وقطعه جبن قريش وخيار
او طبق فروت سلاط كبير
_________________________________________________________________
نصائح هامه جدا جدا
__________

1_ شرب كوب من النسكافيه بلبن خالي الدسم او شاي بلبن او قهوه بلبن او اي نوع منهم ساده (لو مش بتحبي اللبن خالي الدسم يبقي نصف الكوبايه بس لبن والباقي شاي او قهوه او نسكافيه وده قبل الفطار هيعلي مودك ويديكي بور ويحسسك بالشبع شويه
2_بعد الفطار بساعتين ثمرتين فاكهه وبعد الغداء بساعتين ثمرتين فاكهه
3_لما تقعدي علي الغداء تعملي طبق سلاطه حلو كده وتبدأي بيه وبعدين كملي اكلك
4_في الغداء انتي بتختاري نوع خضار ونوع بروتين واي نوع نشويات من المكتوبين لو حسيتي انك جعانه وعايزه تزودي ممكن تزودي في الخضار او البروتين فقط(يعني حتت لحمه او ربع فرخه زياده مثلا)
5_اشربي ميه علي قد ماتقدري 6_8 كوب يوميا بتعلي الحرق وتساعد علي الشبع
6_لازم اي حركه يعني شويه تمارين ايروبكس خفيفه او مشي 1/2 ساعه او رقص 1/2 ساعه ابدأي واحده واحده وبعدين هتلاقي الموضوع سهل وممتع (زياده الايض)
7_الصقي صوره قديمه ليكي وانتي مزه علي الثلاجه عشان كل ما تيجي تكلي تفكرك بهدفك
8_دايما تخيلي نفسك لما هتخسي وانك قد ايه هتبقي حلوه وجذابه خصوصا لما تحسي انك مش قادره تسيطري علي الشهيه
9_اوعي تحرمي جسمك اوي من الاكل الجسم كل ما تحرميه كل مايخزن اكتر
10_ابعدي كل البعد عن الضغوط النفسيه والزعل والتوتر لان اغلب الناس جسمها بيخزن بسبب الحاله النفسيه السيئه
11_اوزني نفسك كل 15 يوم او قيسي قياسك بالمزوره
12_طلعي اكثر لبس شيك عندك في الدولاب من اللبس اللي مبقاش يدخل وعلقيه علي الشماعه قدامك عشان كل ما تشوفيه تتشجعي
13_اشربي 3 اكواب شاي اخضر (صيني اي نوع بيبقي مبروم وسيبك من ليبتون والكلام الفارغ ده)وممكن تحطي عليه نعناع اخضر وطبعا السكر دايت اي نوع سكر فاكهه هيبقي امن بأذن الله والشاي الاخضر فوائده علي البشره وفي الدايت ووقاء من امراض الكانسر عايزه مقاله لوحدها
14_بالنسبه للادويه المساعده علي الدايت ممكن اورلي ستات في حاله لو بوظتي الدايت او كلتي اكله دسمه او معزومه بره او هتكلي في ااشارع او نفسك في اكله معينه بس ده يا مليكا مش علي الفاضي والمليان يعني بالكتير مره واحده متتكررش في الاسبوع عشان مجرد احساسك بأنك محرومه ده بيخليكي تسيبي الدايت بسرعه لكن خليكي عارفه انك لو اتزنقتي في حل (اورلي ستات موصوفي تحت اشراف الدكتوره الي بتابع معاها ماتخافيش مش من دماغي)
13_ اولا وليس اخيرا ابتغي وجه الله (قولي لنفسك انا عايزه اخس عشان احافظ علي صحتي الي ربنا امرني اني احافظ عليها وعايزه اخس عشان ارضي زوجي الي ربنا امرني اني ارضيه)ولو في اسباب تانيه حطيها هدف واضح قدامك
**********************************************************
يارب اكون قدرت افيدك توكلي علي الله وابدأي الدايت بنظام وثقه واكتبي خطواطك علي ورق وعلقيه في البيت وفي المطبخ وعلي الدولاب اعلني حبي نفسك واعلني الحرب علي السمنه وكل ماتخسي وتحسي بجمال جسمك ونضره وشك هتتشجعي وهتكملي انا بالفعل بعمل دايت دلوقتي وهتابع معاكي وابلغك بالنتائج وانتي كمان ابدئي وقوليلي ايه الاخبار ولو ليكي اي استفسار او عايزه تكلي حاجه معينه قوليلي وانا هأكلهالك بطريقتي اهم حاجه خليكي متأكده انك مش هتتحرمي من حاجه وانا تحت امرك في اي استفسار


عدل سابقا من قبل نوشا زين في السبت يونيو 02, 2012 11:05 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
sha3nona

avatar

عدد المساهمات : 47
مسات : 57
تاريخ التسجيل : 06/09/2011

مُساهمةموضوع: رد: خطوات التخلص من السمنه بدون مشاكل   الجمعة يونيو 01, 2012 9:45 pm

رائع رائع رائع ..... احنا عندنا ليقولوا والله ماقصرت
ليه الشقاوي دي الموضوع تحفه بس أنا اقترح عليكي غيري اسم الموضوع علشان يبقى سهل في البحث ربنا يجعله في ميزان حسنات يا جميل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نوشا زين

avatar

عدد المساهمات : 30
مسات : 42
تاريخ التسجيل : 29/05/2012

مُساهمةموضوع: رد: خطوات التخلص من السمنه بدون مشاكل   الجمعة يونيو 01, 2012 10:06 pm

ربنا يخليكي يا شعنونه انا فعلا فكرت في كده بس قلت لما احس انكم شيفين الموضوع يستاهل وقيم ابقي اغير اسمه وممكن كمان ارفعه في المنتديات الي ليا فيها عضويات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
maleeka

avatar

عدد المساهمات : 43
مسات : 59
تاريخ التسجيل : 06/09/2011

مُساهمةموضوع: رد: خطوات التخلص من السمنه بدون مشاكل   الجمعة يونيو 01, 2012 10:22 pm

ﻻ بجد دا الموضوع كبير بقى
شكرا ليكي كتير أول حاجه والموضوع فعلا قيم ريك
أنا يا ستي طولي 176 وورني اخر مره كان 96 ك قبل الجواز وعندي زهق فظيع من نفسي ومش عارفه أعمل ايه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نوشا زين

avatar

عدد المساهمات : 30
مسات : 42
تاريخ التسجيل : 29/05/2012

مُساهمةموضوع: رد: خطوات التخلص من السمنه بدون مشاكل   الجمعة يونيو 01, 2012 10:44 pm

بصي يا مليكا ابدأي وتوكلي علي الله واخلصي النيه وان شاء الله هتخسي خدي الموضوع تسليه وخسي واحده واحده وان شاء الله ترجعي زي الاول انت محتاجه حوالي من 15 الي17 كيلو ينزلوا بس واضح انك طويله زيي ودي نعمه من عند ربنا لان الطوال جسمهم يحرق اسرع وكمان لما بيتخنوا الطول بيداريهم و ابعدي عن الزهق الفظيع ده لانه هيرجعك لورا اكثر وان شاء الله خير ربنا معاكي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
maleeka

avatar

عدد المساهمات : 43
مسات : 59
تاريخ التسجيل : 06/09/2011

مُساهمةموضوع: رد: خطوات التخلص من السمنه بدون مشاكل   الأحد يونيو 03, 2012 11:07 am

طيب ممتاز خلينا نعمل فايل اسمه يوميات " عايزه اخس " ونحط فيها يوميا عملنا ايه وكلنا ايه وقياسها قد ايه
نشجع بعض ان شاء الله واللي يشترك معانا يلا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
خطوات التخلص من السمنه بدون مشاكل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Desperate Housewives نساء حائرات :: صالون الجمال Beuty Salon :: الوزن المثالي في الاكل المثالي-
انتقل الى: